Den algun dia mas, Korte di hustitia mester expresa su mes, riba e akusashon kontra un homber ku aparentemente lo a viola un mucha, muche di 12 anja regularmente durante un periodo, ku e mucha, ta den su mes kuido komo "yu di kriansa" den kas di e homber su pareja.
Mi ta pone e deskripshon mas abou manera relata door di korant Extra (ku ta hasiendo un hopi bon trabou).
Mi preokupashon pa e suseso aki ta ku fiskal a pidi 8 anja pa e homber, i 3anja pa e muhe,ya komo ku asparentemente e tabata sa i toch no a hasi nada pa skapa e mucha muhe.
8 anja, (sin deskonta pabon kondukta pa bon kondukta) ta limpia e danjo ku e homber aki a hasi? of 3 anja, ta limpia e muhe di su kulpabilidat di ta komplise den e enganjo i abuso di marka mayo di net e mucha ku a wordu pone den nan mes kuido?
e momento mester a jega basta tempu kaba pa upgrade nos leinan pa adreseer e problemanan di awe. Vrouwe Justitie, mester bisti un bachi nobo, i kuminsa husga masd servero,si no ta pornada e ta kana ku su spada.
E dama hustisia ta tapa su wowonan pero e no ta siegu si. Ni ta asina ku e no tin heful.
Ta esaki ta e sistema ku ta pone ku nos ta pesta di krimen i inhustisia riba nos dushi luga. I ta esaki ta pone ku famia nan i e komunidat di e tur e viktimanan ta asina tantu des-satisfase ku e manera ku nos ta eherse hustisia. Bou di e benda ku ta tapa wowo di e dama di hustisia mester tin lagraimanan ta sali.
Ta asina aki , nos ta protehe nos yunan?
Pa mi smak, mester di un "Vrouwe Justitie" mas moderno" ku ta atende ku nos asuntunan di un manera mas severo i final.. E artikulo den Extra ta papia pa su mes, kuantu mas kartigu e hendenan aki mester hanja si nan resulta kulpabel?
Artikulo di Extra.
DEMANDA DI 8 i 3 AÑA PA ABUSU SEKSUAL DI YUNAN DI KRIANSA
| on 24-05-2012 09:43 |
WILLEMSTAD.- Despues ku hues Paulides a pasa den e
prosèsverbal kontra di e pareha ulandes M.O. (m) i D.O. (f), fiskal
Ludmila Vicento a konkluí ku e pareha a kometé un akto sumamente
repudiabel dor di abusá seksualmente di yunan di kriansa ku a konfi’é
kuné pa e lanta, eduká i kuida. Esaki a trese fiskal na un demanda di 8
aña prizon pa e hòmber M.O. i 3 aña pa e muhé D.O.
Si mester bai tras di e loke ku a bin dilanti den korte, anto e kriatura(nan) a pasa periodonan largu di trouma i doló, si tuma na konsiderashon ku ta trata di un hòmber ku kurpa korpulento i klaramente un persona ku ta aparentá di ta hopi brutu i e muchanan apénas 12 aña di edat.
E loke ku a keda deskribí ta un abusu total, esta e kriatura muhé, mester a hasi sèks oral, masturbá e hòmber i tambe soportá sèks vaginal ku el a deklará tabata hasi hopi doló kada bes ku esei tuma lugá. E promé biaha e kriatura a deklará ku el a keda den sanger.
E hòmber na vários okashon a trata di penetrá anal, pero esei no tabata bai i e kriatura tabata grita i yora i rebeldia kontra di e intento anal.
E echo ku e tata mes tabata pasa e kriatura aki e asina yamá ‘prikpil’ o sea angua pa no sali na estado, el a bisa e mucha ku si e tene sèks anal e ora ei e ta evitá di pasa angua. Esta den un intento pa e kriatura soportá e sèks anal i evitá pasa angua.
Tin indikashon ku e hòmber a kometé e mesun abusu seksual ku otronan o sea a intentá kontra di muchanan ku ta pasa algun dia serka nan.
E pareha aki tin un krio di peska parti pariba di Kòrsou, kaminda ku famianan sa pone fiesta pa mucha.
E kasá di e hòmber tambe a keda akusá di ta kómplise, pa motibu ku tin tur indikashon ku e tabata sa kiko su kasá ta hasi i e no a hasi nada pa para e abusu.
E víktima prinsipal ku ta e yu muhé di kriansa a deklará ku na vários okashon ora e tabata grita e mama tabata tende, pero no ta hasi nada. Ta ora e gritunan bira fuerte e mama tabata yega i kita e yu for di e hòmber. Na un okashon e mama a habri porta i haña su kasá den ful akshon ku e kriatura.
Ora e yu kriatura rebeldia i no ke hasi sèks, e hòmber ta lag’é drumi sin paña abou den kamber den èrko sin laken pa e tapa.
Si e ke drumi kayente, e mester drumi banda di e hòmber. Ta trata di muchanan adoptá for di Sürnam.
Mester indiká ku ayera e pareha a ninga tur e akusashonnan aki i a bisa ku e yu di kriansa ta riku na fantasia i ta pa tapa su aktividat seksual ku e tin ku algun otro mucha hòmber, el a deklará e tipo di kosnan aki.
Esaki ta motibu ku a pidi nan dòkter ku ta un amigu di kas, e “prikpil” pa nan mes pasa e kriatura, pa proteh’é kontra di su aktividat seksual.
Abogadonan defensor a trese henter e investigashon den duda.
Esaki no a kita afó ku fiskal a pidi 8 aña kastigu di prizon pa e hòmber i 3 aña prizon pa e muhé.
Aki dos siman hues lo dikta sentensia.
(Tuma kuenta ku e artikulo segun Extra a wordu publika ya un siman pasa?
Nos mester ta muchu mas severo i drastiko , si nos ke libera nos mes di e krimennan sin kurason ku ta pasa riba Korsou I duna kara na e inhustisia kontra nos yunan, di unda ku nan of nan abusadornan ta.
Chacho de Castro
Mei 31, 2012
kontakto@cura.net
