Hahaha,mi ta bai blush, bira blou
mi ta kere mi mester, di awa lou
Solamente mirabo, ta man'e m'a hasi pika
bo beyesa no ta di aki, i bo sa ku mi sa
Mi ta pasa tempu ta wak bo, bo kurpa bon bala
pa mi wak si ta berdat, ku bo tin ala.
Mi tin smak di resa ora bo t'ei
pa mi no kibra ku Dios su lei.
Tur mi kurpa ta mustra riba bo, mi mes wowonan ta trek riba bo
Un dia lo mi broma serka mi hendenan, e'sei, ta mi Ko.
Bo zoya ta ponemi herebe i bo sonrisa, ta kima mi lep
kuantu mi purba tapa, mi tin gana dibo set.
Mi ta warda ku smak, e dia no por ta leu,
Den bo brasanan, si no den mi sonjonan, ta mi deseo, abo ku mi lo ta huntu te dia nos bira bieu. .
Chacho de Castro
Abonneren op:
Reacties posten (Atom)
Geen opmerkingen:
Een reactie posten